今日係連續五日假後嘅第一日工作天
（對我來說不是）
不過返工時都重見到好多人搭車去拜年
我想他們應該會到星期一才要上班吧
（希望多D人係咁啦，咁我返工可以HEA D）

尋日Day Off約左皮皮同碧祺去左九龍灣睇戲
因為皮皮已經睇左「奇幻逆緣」
我哋就揀左另一套都多人睇嘅「馬利與我」入場
呢套戲初一時我曾經叫無事幹嘅老豆入場看
但佢話呢D一定係喊戲，留返屋企睇算
我重笑佢話邊會，原來佢猜中了

套片除左用狗同人嘅感情嚟催淚外，佢講兩個人結婚後所面對嘅生活都好好
一個男人，最想要嘅係事業，但有家庭同小朋友後，好難兩樣同時兼固
但另一方面，主角的生活郤令身邊的朋友羡慕，因為他多年醉心工作
郤未能在身邊找到一個伴侶，他羡慕他時而他亦羡慕他

究竟美好人生的定義在那？

↓以下含電影內容，如欲觀看，請按Ctrl + A

到電影尾段，主角送馬利入院時
想返起在上海那年養的小狗亦是因病逝世
當時我也是跟老爸二人駕著車送牠去病院
檢查後醫生已告訴我們牠應該過不了當天
我們去聖堂給牠作祈禱，但回來後牠已經離開了
那一幕真的有點感觸，連多年來沒看流淚的我也忍不住鼻子立時酸了

睇完戲去左怨氣好重嘅「茜廊」食飯
（因為客多，但人手又唔夠，攪到D客好燥）
食完行左一陣就返屋企

今朝一起身見到利＿失分
曼聯兩分領排榜首，即刻開心返～～